Собиқ икки карра UFC чемпиони Конор Макгрегор антидопинг сиёсатини бузгани учун спортдан четлатилгани аниқланди. Бу ҳақда АҚШ Антидопинг агентлиги (USADA) матбуот хизматига таяниб KAZINFORM ёзмоқта.

«UFC сайтида эълон қилинган маълумотларга кўра, Макгрегор 2024 йилда 12 ой ичида учта биологик намуна олиш ҳаракатини ўтказиб юборган, бу қоидабузарлик ҳисобланади.

UFC спортчилари улар билан боғланиш ва биологик намуналарни олдиндан огоҳлантирмасдан юбориш мумкин бўлиши учун ҳар доим аниқ жойлашув маълумотларини тақдим этишлари керак.

Ирландиялик спортчи 2024 йил 13 июнь, 19 сентябрь ва 20 сентябрь кунлари биологик намуналарини топширмаган.

Бироқ собиқ чемпион жавобгарликни тан олиб, тергов билан тўлиқ ҳамкорликни йўлга қўйган. Шу боис, стандарт икки йиллик дисквалификация муддати 18 ойгача қисқартирилди. Унинг дисквалификация муддати 2024 йил 20 сентябрдан (жойлашган жойи тўғрисидаги ахборотни тақдим этиш тартибини учинчи марта бузган куни) бошланиб, 2026 йил 20 мартда тугайди» дейилади хабарда.

Қорақалпоғистон ахборот агентлиги