Burınǵı eki márte UFC chempionı Konor Makgregor antidoping siyasatın buzǵanı ushın sporttan shetletilgeni anıqlandı. Bul haqqında AQShtıń Antidoping agentligi (USADA)ne súyenip KAZINFORM jazbaqta.

«UFC saytında járiyalanǵan maǵlıwmatlarǵa bola, Makgregor 2024-jılı 12 ay ishinde úsh biologiyalıq úlgi alıw háreketin ótkerip jibergen, bul qaǵıydabuzarlıq esaplanadı.
UFC sportshıları olar menen baylanısıw hám biologiyalıq úlgilerdi aldınnan eskertiwsiz jiberiw múmkin bolıwı ushın bárqulla anıq jaylasıw maǵlıwmatların usınıwı kerek.
Irlandiyalı sportshı 2024-jıl 13-iyun, 19-sentyabr hám 20-sentyabr kúnleri biologiyalıq úlgilerin tapsırmaǵan.
Biraq burınǵı chempion juwapkershilikti tán alıp, tergew menen tolıq birge islesiwdi jolǵa qoyǵan. Sonlıqtan, standart eki jıllıq diskvalifikaciya múddeti 18 ayǵa shekem qısqartıldı. Onıń diskvalifikaciya múddeti 2024-jıl 20-sentyabrden baslanıp (jaylasqan ornı haqqındaǵı málimlemeni usınıw tártibin úshinshi márte buzǵan kúni) 2026-jıl 20-martta tamamlanadı», delinedi xabarda.

Qaraqalpaqstan xabar agentligi