Ижтимоий тармоқларда Ҳиндистонда дори воситасидан болалар вафот этганлиги тўғрисида хабарлар тарқалди. Хўш, Ўзбекистон бозорида ҳам ушбу дори воситаси сотиладими? Агар шундай бўлса, кўнгилсиз ҳолатларнинг олдини олиш мақсадида қандай тезкор чоралар кўрилмоқда? Ижтимоий тармоқ фойдаланувчиларида шу каби саволлар туғилмоқда.

Фармацевтика маҳсулотлари хавфсизлиги маркази билдирган расмий муносабатга кўра, “Sresan Pharma” компанияси томонидан ишлаб чиқарилган “Coldrif” дори воситаси Ўзбекистон Республикасида давлат рўйхатидан ўтказилмаган.

«Ушбу ҳолат юзасидан Фармацевтика маҳсулотлари хавфсизлиги маркази “Sresan Pharma” компанияси томонидан ишлаб чиқарилган “Coldrif” дори воситаси Ўзбекистон Республикасида давлат рўйхатидан ўтказилмаганлигини маълум қилади.

Маълумот учун, “Дори воситалари ва фармацевтика фаолияти тўғрисида”ги Ўзбекистон Республикаси Қонунига мувофиқ, дори воситаларининг, тиббий буюмларнинг ва тиббий техниканинг тиббиёт амалиётида қўлланилишига улар давлат рўйхатидан ўтказилгандан кейин рухсат этилади», дейилади расмий муносабатда.

М.Қосимова тайёрлади, ЎзА