Sociallıq tarmaqlarda Hindstanda dári-dármaqtan balalar qaytıs bolǵanı haqqında xabarlar tarqaldı. Xosh, Ózbekstan bazarında da bul dári-dármaq satıla ma? Eger solay bolsa, kewilsiz jaǵdaylardıń aldın alıw maqsetinde qanday operativ ilajlar kórilmekte? Sociallıq tarmaq paydalanıwshılarında usı sıyaqlı sorawlar payda bolmaqta.

Farmacevtika ónimleri qáwipsizligi orayı bildirgen rásmiy múnásibetke bola, “Sresan Pharma” kompaniyası tárepinen islep shıǵarılǵan “Coldrif” dárisi Ózbekstan Respublikasında mámleketlik dizimnen ótkerilmegen.
“Bul jaǵday boyınsha Farmacevtika ónimleri qáwipsizligi orayı “Sresan Pharma” kompaniyası tárepinen islep shıǵarılǵan “Coldrif” dárisi Ózbekstan Respublikasında mámleketlik dizimnen ótkerilmegenligin málim etedi.
Maǵlıwmat ushın, “Dári quralları hám farmacevtika jumısı haqqında”ǵı Ózbekstan Respublikası Nızamına muwapıq, dári qurallarınıń, medicinalıq buyımlardıń hám medicinalıq texnikanıń medicina ámeliyatında qollanılıwına olar mámleketlik dizimnen ótkerilgennen keyin ruqsat etiledi”, delinedi rásmiy múnásibette.

M.Qosimova tayyorladi, ÓzA