Ўзбекистон Республикаси Президентининг топшириғига биноан «Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни тан олиш тўғрисида»ги Қонун қабул қилинган эди.

Қонун билан фуқаролар ва тадбиркорларнинг мулкка бўлган ҳуқуқлари таъминланиши, фуқаролар ўртасидаги мулкчилик, шунингдек, мерослар билан боғлиқ низоларга ечим топилишига замин яратилди. Бундан ташқари, аҳолининг ижтимоий масалалари (доимий рўйхатга қўйиш, моддий ёрдам олиш, мактаб, боғчага жойлаштириш) ҳамда бино ва объектларни коммунал тармоқларга улаш бўйича масалаларига ҳам ижобий ечим топиладиган бўлди.

Ушбу қонуннинг 20-моддасига асосан Ўзбекистон Республикаси Иқтисодиёт ва молия вазирлиги ҳузуридаги Кадастр агентлигининг “E’tirof”  автоматлаштирилган ахборот тизими орқали келиб тушган ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқ ларни тан олиш бўйича тўпланган ҳужжатлар кўриб чиқилди.

Қорақалпоғистон Республикаси Жўқорғи Кенгеси Президиумининг қарори билан Нукус шаҳри, Амударё, Беруний, Элликқалъа, Кегейли, Қонликўл, Тўрткўл, Тахиатош, Чимбой, Қўнғирот, Қораўзак, Тахтакўпир ва Нукус туманларидаги 200 та уй-жой эгаларининг ўзбошимчалик билан ва ортиқча эгаллаган ерларига, уларда қурилган турар жойларига ижара ва мулк ҳуқуқлари тан олинди.

Маълумот учун айтадиган бўлсак, бундан олдин ушбу қонун билан бугунги кунга қадар республикамиз бўйича 291 та уй-жой эгаларининг ижара ва мулк ҳуқуқлари тан олинган эди.

Қорақалпоғистон ахборот агентлиги