Юлдузлараро “3I/ATLAS” объектининг янги фотосурати бу жисм комета эканлигини исботлади, деб ёзди Буюк Британиянинг “Daily Mail” нашри.

– Ушбу янги тасвирлар “3I/ATLAS” кометалигини аниқ кўрсатиб турибди, – деди астроном Марк Норрис журналистларга. – Чилидаги Жемини обсерваторияси олимлари томонидан тақдим этилган суратларда кометага хос чанг ва газ булути билан ўралган музли ядро акс этган.

“3I/ATLAS” 1 июль куни кўринган. Компьютер объектнинг тахминий ёшини  етти ярим миллиард йилдан зиёд, деб кўрсатди. Бу Қуёшдан уч миллиард йил катта, дегани.

С.Раҳимов, ЎзА