Juldızlar aralıq “3I/ATLAS” obektiniń jańa fotosúwreti bul element kometa ekenligin dálilledi, dep jazdı Ullı Britaniyanıń “Daily Mail” basılımı.

– Bul jańa súwretler “3I/ATLAS” kometa ekenligin anıq kórsetip tur, – dedi astronom Mark Norris jurnalistlerge. – CHilidegi Jemini observatoriyası ilimpazları tárepinen usınılǵan súwretlerde kometaǵa tán shań hám gaz bultı menen qorshalǵan muzlı yadro sáwlelengen.
“3I/ATLAS” 1-iyul kúni kóringen. Kompyuter obekttiń shama menen jası jeti yarım milliard jıldan aslam, dep kórsetti. Bul Quyashtan úsh milliard jıl úlken, degeni.

S.Rahimov, ÓzA