Ҳуқуқий муносабат

Эр ва хотиннинг умумий мол-мулкини бўлиш улар никоҳда бўлган даврда, никоҳдан ажрашгандан кейин, шунингдек кредитор эр ва хотиндан бирининг умумий мол-мулкдаги улушига ундирувни қаратиш учун умумий мол-мулкни бўлиш талаби билан арз қилган ҳолларда амалга оширилиши мумкин.

Унда қайси вазиятларда эр-хотиннинг умумий мулки тенг бўлинмаслиги мумкин?

Бу ҳақда Тошкент давлат юридик университети ўқитувчиси Жавоҳир Эшонқулов қуйидагича тушунтириш берди:

–Ўзбекистон Республикасининг Оила кодексига кўра, эр ва хотиннинг никоҳ даврида орттирилган умумий мол-мулки уларнинг ўзаро келишувига кўра ёки низоли ҳолатларда суд орқали бўлинади.

Суд мол-мулкни бўлишда қуйидагиларга эътибор беради. Жумладан, эр-хотиннинг ҳар бирига мулкнинг қайси қисми берилиши лозимлиги, агар кимдирга кўпроқ қийматдаги мол-мулк ажратилса, бошқасига компенсация белгиланади.

Вояга етмаган болалар эҳтиёжи учун олинган буюмлар бўлинмайди, болалар билан қолган ота-онага компенсациясиз берилади, никоҳдан кейин орттирилган, аммо алоҳида яшаб, умумий маблағсиз олинган мулклар шахсий деб топилиши мумкин.

Агар эр-хотиндан бирининг маблағи ёки меҳнати ҳисобига иккинчисининг мол-мулки сезиларли ошган бўлса, у ҳам умумий мулк сифатида бўлинади.

Суд зарур ҳолларда, даъвогар фойдасига тенг улушдан бўлиши мумкин.

Гулноза Бобоева, ЎзА