Huqıqıy qatnas

Erli-zayıplınıń ulıwma múlkin bóliw olar nekede bolǵan dáwirde, nekeden ajırasqannan keyin, sonday-aq kreditor erli-zayıplılardan biriniń ulıwma múlktegi úlesine óndiriwdi qaratıw ushın ulıwma múlkti bóliw talabı menen múrájat etken jaǵdaylarda ámelge asırılıwı múmkin.
Onda qaysı jaǵdaylarda erli-zayıplınıń ulıwma múlki teń bólinbewi múmkin?
Bul haqqında Tashkent mámleketlik yuridikalıq universiteti oqıtıwshısı Javohir Eshonqulov tómendegishe túsinik berdi:
-Ózbekstan Respublikasınıń Shańaraq kodeksine bola, erli-zayıplınıń neke dáwirinde arttırılǵan ulıwma múlki olardıń óz-ara kelisimine bola yamasa tartıslı jaǵdaylarda sud arqalı bólinedi.
Sud múlkti bólistiriwde tómendegilerge itibar beredi. Sonıń ishinde, erli-zayıplınıń hár birine múlktiń qaysı bólegi beriliwi kerek ekenligi, eger birewge kóbirek bahadaǵı múlk ajıratılsa, basqasına kompensaciya belgilenedi.
Jas óspirim balalardıń mútájligi ushın alınǵan buyımlar bólinbeydi, balalar menen qalǵan ata-anaǵa kompensaciyasız beriledi, nekeden keyin arttırılǵan, biraq bólek jasap, ulıwma qarjısız alınǵan múlkler jeke dep tabılıwı múmkin.
Eger erli-zayıplılardan biriniń qarjısı yamasa miyneti esabınan ekinshisiniń múlki sezilerli dárejede kóbeygen bolsa, ol da ulıwma múlk sıpatında bólinedi.
Sud zárúr jaǵdaylarda, dawagerdiń paydasına teń úlesten bolıwı múmkin.

Gulnoza Boboeva, ÓzA