«Ўзагростар холдинг» компанияси ҳузуридаги «Беруний – Агро Стар» МЧЖ хорижлик мутахассислар билан ҳамкорликни йўлга қўймоқда.
«Беруний – Агро Стар» МЧЖ ва Япониянинг Чиба шаҳрида жойлашган Чиба университети профессори, юқори тоифали агроном Тагоши Сатоши ҳамкорлигида Беруний туманидаги томорқа ер эгалари ва деҳқон хўжаликлари эгалари иштирокида семинар ташкил этилди.
Семинар давомида чорва озуқасида қўлланиладиган хорижий экинларнинг агротехнологиялари ҳақида тақдимот ўтказилди.
Унда Япониянинг Потето ширин картошка нави агротехнологияси ва уни чорва озуқасида фойдаланиш йўллари бўйича ўз тажрибаси билан ўртоқлашди.
Семинар якунида иштирокчиларга Потето картошка навининг кўчатлари тарқатилди. Ушбу навни Қорақалпоғистон шароитида экиш бўйича тажриба алмашишга келишиб олинди.
Шундан сўнг профессор туманда экилган экинларни кўздан кечирди. «Тинчлик» ҚФЙ ҳудудидаги деҳқон фермер Хамит Саманов томонидан экилган маккажўхорининг вегетация даври билан танишди. Маккажўхорига ўғит солиш бўйича ўз тажрибасини ўргатиб, экинларда қўллаш бўйича тавсиялар, шунингдек, зараркунандалардан ҳимоя қилиш йўллари бўйича ўз маслаҳатини берди.
Қорақалпоғистон ахборот агентлиги