Бухоро вилоятида умумий ўрта таълим мактаблари ва касб-ҳунар таълими муассасалари ўқувчилари ўртасида ҳар йили ўтказиб келинаётган «Ёш қутқарувчи» кўнгиллилар ҳарбий-спорт мусобақаларининг республика босқичи ўтказилди.

Ушбу мусобақада мамлакатимизнинг барча ҳудудларидан, шу жумладан Қорақалпоғистон Республикасидан ҳам икки жамоа иштирок этди.

Қизиқарли ўтган ҳарбий-спорт мусобақаси якунида, белгиланган шартларни талабга мос равишда бажариб, барча рақибларидан устун келган Нукус шаҳридаги 1-сонли политехникумнинг «Жайҳун» жамоаси профессионал таълим муассасалари ўртасида биринчи ўринни эгаллашга муваффақ бўлди.

Умумтаълим мактаблари ўртасида ўтказилган мусобақаларда эса Беруний туманидаги 54-сонли умумтаълим мактабининг «Мададкор» жамоаси фахрли 2-ўринни эгаллашга муваффақ бўлди.

– Ўтган йили ўтказилган мусобақада жамоамиз аъзолари Қорақалпоғистонда биринчи, Ўзбекистонда иккинчи ўринни эгаллаган эди, – дейди Нукус шаҳридаги 1-сонли политехникум директори Маҳмуд Сейтбеков.-Бу йил ушбу мусобақага тайёргарликни янада кучайтириб, биринчи ўринни эгаллашга эришдик. Биз бундан жуда хурсандмиз.

Адилбай Оразов,

Қорақалпоғистон ахборот агентлиги шарҳловчиси