Жаҳон соғлиқни сақлаш ташкилоти (ЖССТ) глобал соғлиқни сақлаш соҳасидаги тараққиёт секинлашувидан огоҳлантирмоқда.

Яқинда ташкилот CОVID-19 пандемиясининг умр давомийлиги ва аҳоли саломатлигига узоқ муддатли таъсирини очиб берувчи янги ҳисоботини эълон қилди.

БМТ сайтида эълон қилинган ҳужжатда айтилишича, бор-йўғи икки йил ичида, яъни 2019-2021 йиллар оралиғида дунё бўйича ўртача умр кўриш 1,8 йил қисқарган. Бу замонавий тарихдаги кўрсаткич пасайишининг энг юқори даражасидир.

– Ҳар бир маълумот замирида инсон тақдири бор – беш ёшга тўлмасдан вафот этган бола, туғиш пайти ҳаётдан кўз юмган она, олдини олиш мумкин бўлган касаллик туфайли умр қисқариши ва ҳоказо, – дейди ЖССТ Бош директори Тедрос Аданом Гебрейесус.