Jáhán densawlıqtı saqlaw shólkemi (JDSSh) global densawlıqtı saqlaw tarawındaǵı rawajlanıwdıń tómenlewi haqqında eskertpekte.

Jaqında shólkem COVID-19 pandemiyasınıń ómir dawamlılıǵı hám xalıqtıń salamatlıǵına uzaq múddetli tásirin ashıp beretuǵın jańa esabatın járiyaladı.
BMSh saytında járiyalanǵan hújjette aytılıwınsha, tek ǵana eki jıl ishinde, yaǵnıy 2019-2021-jıllar aralıǵında dúnya boyınsha ortasha ómir kóriw 1,8 jılǵa qısqarǵan. Bul zamanagóy tariyxtaǵı kórsetkish tómenlewiniń eń joqarı dárejesi bolıp esaplanadı.
– Hár bir maǵlıwmat tiykarında insan táǵdiri bar – bes jasqa tolmay qaytıs bolǵan bala, tuwıw waqtında qaytıs bolǵan ana, aldın alıw múmkin bolǵan kesellik sebepli ómirdiń qısqarıwı hám basqalar, – deydi JDSSh Bas direktorı Tedros Adanom Gebreyesus.

ÓzA