Исроил ёнғин хизмати мамлакат тарихидаги энг кучли ёнғинга қарши курашмоқда. Айни пайт 150 дан зиёд жамоа оловни ўчириш билан банд.

Бош вазир Биньямин Нетаньяху чоршанба куни Қуддус яқинида бир неча ёнғин кўтарилгач, миллий даражада фавқулодда ҳолат эълон қилди. Унинг сўзларига кўра, тез ва қуруқ шамол “ўлимга олиб келадиган вазият”ни вужудга келтирган.

Бир неча шаҳарча аҳолиси кўчирилган. Шунга қарамасдан, шаҳарга олиб борадиган асосий йўллар очилган.

Тез ёрдам хизмати 23 киши асосан тутундан нафас олиш ва куйиш ҳолати билан даволанаётганини маълум қилди.

Исроил ўтни ўчириш учун халқаро миқёсда ёрдам, жумладан махсус самолётлар сўраган.

Мамлакат мустақиллиги куни муносабати билан ташкил қилинган кўплаб оммавий тадбирлар бекор қилинган.

М.Сайфуллаев, ЎзА