Izrail órt xızmeti mámleket tariyxındaǵı eń kúshli órtke qarsı gúrespekte. Házirgi waqıtta 150 den aslam topar órtti óshiriw menen bánt.

Bas ministr Binyamin Netanyaxu sárshembi kúni Quddus átirapında bir neshe órtler kóterilgennen soń, milliy dárejede ayrıqsha jaǵday járiyaladı. Onıń sózlerine bola, tez hám qurǵaq samal «ólimge alıp keletuǵın jaǵdaydı» payda etken.
Bir neshe qalashanıń xalqı kóshirilgen. Soǵan qaramastan, qalaǵa alıp baratuǵın tiykarǵı jollar ashılǵan.
Tez járdem xızmeti 23 adam tiykarınan tútinnen dem alıw hám kúyiw jaǵdayı menen emlenip atırǵanın málim etti.
Izrail órtti óshiriw ushın xalıqaralıq kólemde járdem, sonıń ishinde, arnawlı samolyotlar soraǵan.
Mámleket ǵárezsizligi kúni múnásibeti menen shólkemlestirilgen kóplegen ǵalabalıq ilajlar biykar etilgen.

Qaraqalpaqstan xabar agentligi