Аввал хабар қилинганидек, халқаро автомобиль йўлини реконструкция қилиш ишлари давом этмоқда.

Республикамиз ҳудудидан ўтувчи халқаро автомобиль йўлининг ўтказувчанлигини ошириш борасида Президентимизнинг қарор ва фармонлари асосида босқичма-босқич реконструкция ишлари олиб борилмоқда.

Президентимизнинг 2024 йил 24 декабрдаги «2025-2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида»ги қарори асосида А-380 «Ғузор-Бухоро-Нукус-Бейнеу» автомобиль йўлининг 698-723 километр оралиғини реконструкция қилиш белгиланган эди. Қурилиш ишлари учун 2025 йилга 71.2 млрд. сўмлик маблағ ажратилган бўлиб, автомобиль йўлининг ушбу ҳудудига асфальт-бетон қопламасини ётқизиш режалаштирилган.

Айни пайтда мазкур йўлнинг 720-721 километр оралиғида асфальт ётқизиш ишлари амалга оширилмоқда.

Таъкидлаш жоизки, мазкур автомобиль йўлининг 673-698 километрлик оралиғини цемент-бетон қопламага ўтказиш бўйича ҳам ишлар давом этмоқда.

Қорақалпоғистон ахборот агентлиги