Aldın xabar berilgenindey, xalıqaralıq avtomobil jolında rekonstrukciyalaw jumısları dawam etpekte.

Respublikamız aymaǵınan ótiwshi xalıqaralıq avtomobil jolınıń ótkeriwsheńligin arttırıw baǵdarında Prezidentimizdiń qarar hám pármanları tiykarında basqıshpa-basqısh rekonstrukciyalaw jumısları alıp barılmaqta.
Prezidentimizdiń 2024-jıl 24-dekabr kúngi «2025-2027-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında»ǵı qararı tiykarında A-380 «Ǵuzar-Buxara-Nókis-Beynew» avtomobil jolınıń 698-723-kilometrlik aralıǵın rekonstrukciyalaw belgilengen edi. Qurılıs jumısları ushın 2025-jılǵa 71.2 mlrd. sumlıq qarjı ajıratılǵan bolıp, avtomobil jolınıń usı aymaǵına asfalt-beton qaplamasın tósew rejelestirilgen.
Házirgi waqıtta usı joldıń 720-721 kilometrlik aralıǵında asfalt tósew jumısları ámelge asırılmaqta.
Usı avtomobil jolınıń 673-698 kilometrlik aralıǵın cement-beton qaplamaǵa ótkeriw boyınsha da jumıslar dawam etip atırǵanın atap ótiw orınlı.

Qaraqalpaqstan xabar agentligi