ЎзЛиДеП Тўрткўл тумани Кенгаши томонидан белгиланган лойиҳа доирасида навбатдаги тадбиркорлар билан мулоқот ўтказилди.

Унда Олий Мажлис Қонунчилик палатаси депутати Р.Мамутов, Жўқорғи Кенгес депутати Ж.Сеттиев, туман Кенгаши депутати Б.Холиқов, тадбиркор ва фермерлар иштирок этди, – деб маълум қилади Тўрткўл тумани ҳокимлиги Ахборот хизмати бўлими.

Тадбир доирасида ҳудуд тадбиркорлари ва фермерларининг мурожаатлари тингланди.

Жумладан, «Kristal Мега Star» МЧЖ раҳбари Б.Холиқов корхонага келадиган йўлнинг 3 км қисмини реконструкция қилиш кераклигини таъкидлаб ўтди.

Шунингдек, «Тўрткўлли Сўғдиёна» фермер хўжалиги раҳбари С.Мамутов Тўрткўл туманига ажратилган сув лимитини ошириш кераклигини, ерларга сув тўлиқ етиб бормаётганлигини таъкидлади.

Юқоридаги масалаларни депутат ўрганиб чиқиб, ўз назоратига олишини айтди.

Сўнгра депутатлар совун ва ювиш воситалари ишлаб чиқаришга ихтисослашган «Kristal Mega Star» МЧЖ фаолияти билан танишди.  Ушбу корхона ўз маҳсулотларини ички бозорга ҳамда қўшни Тожикистон, Қирғизистон Республикаларига экспорт қилади. Корхона 20 дан ортиқ кишини иш билан таъминлаган.

Ташриф давомида тегишли мутасаддиларга кўрсатмалар бериб борилди.

Қорақалпоғистон ахборот агентлиги