ÓzLiDeP Tórtkúl rayonlıq Keńesi tárepinen belgilengen joybar sheńberinde gezektegi isbilermenler menen sóylesiw ótkerildi.

Onda Oliy Majlis Nızamshılıq palatasınıń deputatı R.Mamutov, Joqarǵı Keńestiń deputatı J.Settiev, rayonlıq Keńestiń deputatı B.Xoliqov, isbilermenler hám fermerler qatnastı,- dep maǵlıwmat beredi Tórtkúl rayonı hákimligi Málimleme xızmeti bólimi.
Ilaj sheńberinde aymaq isbilermenleri hám fermerleriniń múrájatleri tıńlandı.
Sonıń ishinde, “Kristal Mega Star” JShJ basshısı B.Xoliqov kárxanaǵa keletuǵın joldıń 3 km jerin rekonstrukciyalaw kerek ekenligin atap ótti.
Sonday-aq, “Tórtkúlli Swǵdiyona” fermer xojalıǵınıń baslıǵı S.Mamutov Tórtkúl rayonına ajıratılǵan suw limitin kóteriw kerekligin, jerlerge suw tolıq jetip barmay atırǵanlıǵın atap ótti.
Joqarıdaǵı máselelerdi deputat úyrenip shıǵıp, óz qadaǵalawına alatuǵının ayttı.
Soń deputatlar sabın hám juwıw quralların islep shıǵarıwǵa beyimlesken “Kristal Mega Star” JShJnıń jumısları menen tanıstı. Bul kárxana óz ónimlerin ishki bazarǵa hám qońsı Tájikstan, Qırǵızstan Respublikalarına eksport etedi. Kárxana 20 dan aslam insandı jumıs penen támiyinlegen.
Sapar dawamında tiyisli juwapkerlerge kórsetpeler berip barıldı.

Qaraqalpaqstan xabar agentligi