Россия Қуролли кучлари Бош штаби Бош оператив бошқармаси бошлиғининг ўринбосари, 59 ёшли генерал-лейтенант Ярослав Москалик Москва вилоятининг Балашиха шаҳрида автомобиль портлаши оқибатида ҳалок бўлди.

Россия Тергов қўмитаси автомашинанинг портлаши бўйича РФ Жиноят кодексининг 105-моддаси ва 222.1-моддасида назарда тутилган жиноятлар бўйича жиноий иш қўзғатди.

Автомобиль портлаши 25 апрель куни эрталаб содир бўлган. Шу пайт генерал тўхтаб турган машина ёнидан ўтиб кетаётган бўлган. Портлаш тўлқини ҳарбийни бир неча метр узоққа улоқтириб юборган.

Ярослав Москалик 2021 йилда Россия Мудофаа вазирлиги Бош штаби Бош оператив бошқармаси бошлиғининг ўринбосари лавозимига тайинланган эди.

Эслатиб ўтамиз, худди шундай воқеа 2024 йилнинг декабрида генерал Кириллов билан ҳам содир бўлган ва ўшанда ҳарбий скутерга ўрнатилган портловчи қурилманинг ишга туширилишидан ҳалок бўлган эди.