Rossiya Qurallı Kúshleri Bas shtabınıń Bas operativ basqarması baslıǵınıń orınbasarı, 59 jastaǵı general-leytenant Yaroslav Moskalik Moskva wálayatınıń Balashixa qalasında avtomobil jarılıwı aqıbetinde qaytıs boldı.

Rossiya Tergew komiteti avtomashinanıń jarılıwı boyınsha RF Jınayat kodeksiniń 105-statyası hám 222.1-statyasında názerde tutılǵan jınayatlar boyınsha jınayıy is qozǵattı.
Avtomobil jarılıwı 25-aprel kúni azanda júz bergen. Usı waqıtta general toqtap turǵan mashinanıń qasınan ótip baratırǵan edi. Jarılıw tolqını onı bir neshe metr aralıqqa ılaqtırıp jibergen.
Yaroslav Moskalik 2021-jılı Rossiya Qorǵanıw ministrligi Bas shtabınıń Bas operativ basqarması baslıǵınıń orınbasarı lawazımına tayınlanǵan edi.
Esletip ótemiz, tap usınday waqıya 2024-jıldıń dekabrinde general Kirillov penen de júz bergen hám sol waqıtta áskeriy skuterge ornatılǵan jarılıwshı qurılmanıń iske túsiriliwinen qaytıs bolǵan edi.

Qaraqalpaqstan xabar agentligi