Мисрда йўлбарс томошабинлар кўз ўнгида цирк ижрочисига ташланиб, унинг қўлини узиб олди. Ҳодиса 1-апрель куни Танта шаҳридаги цирк намойиши пайтида юз берган.

Жароҳатланган эркак шошилинч равишда шифохонага олиб кетилган. Жарроҳлар унинг қўлини асраб қолишга уринган. Аммо жароҳатлар жуда оғирлиги сабабли шифокорлар қўлни кесишга қарор қилган.

Йўлбарс циркдаги намойишлардан четлатилган ва Қоҳирага қайта тайёргарликдан ўтиш учун юборилган. Ҳужум ортидан маҳаллий прокурорлар ҳудуддаги барча циркларга фаолиятини тўхтатишни буюрган. Шунингдек, улар яқин атрофдаги цирклардаги барча ҳайвонларнинг ҳолатини ўрганиш учун инспекторлар юборилишини айтган.