Egipette jolbarıs tamashagóylerdiń kóz aldında cirk atqarıwshısına shabıwıl jasap, onıń qolın julıp aldı. Hádiyse 1-aprel kúni Tanta qalasındaǵı cirk tamashası waqtında júz bergen.

Jaraqatlanǵan erkek dárhal emlewxanaǵa alıp ketilgen. Xirurglar onıń qolın saqlap qalıwǵa urınǵan. Biraq jaraqatlar oǵada awır bolǵanı sebepli shıpakerler qolın kesiwge qarar etken.
Jolbarıs cirktegi tamashalardan shetletilgen hám Kairge qayta tayarlıqtan ótiwge jiberilgen. Hújim artınan jergilikli prokurorlar aymaqtaǵı barlıq cirklerge jumısın toqtatıwdı buyırǵan. Sonday-aq, olar jaqın átiraptaǵı barlıq haywanlardıń jaǵdayın úyreniw ushın inspektorlar jiberiletuǵının aytqan.

Qaraqalpaqstan xabar agentligi