“BMB HOLDING” компанияси бош директорининг халқаро муносабатлар ва инвестициялар масалалари бўйича ўринбосари Хайрулла Набижонов “AMC Overseas UAE” (Бирлашган Араб Амирликлари) компанияси раҳбари, жаноб Шувра Чакраборти билан учрашди.

Учрашув чоғида Хайрулла Набижонов хорижлик меҳмонга “BMB HOLDING” компанияси фаолияти ҳамда савдо-иқтисодий ҳамкорликни йўлга қўйишдаги мавжуд имкониятлар ҳақида атрофлича маълумотлар берди.

Ўз навбатида жаноб Шувра Чакраборти компания билан ҳамкорлик қилишдан манфаатдор эканлигини ҳамда ўзи ва бизнес соҳасидаги 30 йиллик тажрибаси ҳақида сўз юритиб, у айни пайтда Ўзбекистон давлат идораларига консультант сифатида жалб этилаётганидан жуда ҳам мамнун эканлигини таъкидлади.

Мулоқот давомида ҳамкорликнинг асосий йўналишлари сифатида маҳсулот ва хизматларни хорижий бозорларга экспорт қилиш, Холдингнинг топ-менежерлари учун малака ошириш дастурларини ташкил этиш масалалари кўриб чиқилди.

Учрашувда жаноб Шувра Чакрабортининг жорий йил 9 – 19 апрель кунлари “BMB HOLDING” компаниясига қарашли корхоналарга ташрифини ташкил этиш, медиа-маркетинг йўналишида ўзаро манфаатли ҳамкорликни йўлга қўйишга келишиб олинди.

А.Қаюмов,

ЎзА