«BMB HOLDING» kompaniyası bas direktorınıń xalıqaralıq qatnasıqlar hám investiciyalar máseleleri boyınsha orınbasarı Xayrulla Nabijanov «AMC Overseas UAE» (Birlesken Arab Ámirlikleri) kompaniyasınıń basshısı, mırza Shuvra CHakrabarti menen ushırastı.

Ushırasıw barısında Xayrulla Nabijanov sırt elli miymanǵa «BMB HOLDING» kompaniyasınıń jumısı hám sawda-ekonomikalıq birge islesiwdi jolǵa qoyıwdaǵı qolda bar imkaniyatlar haqqında hár tárepleme maǵlıwmatlar berdi.
Óz gezeginde mırza Shuvra CHakraborti kompaniya menen birge islesiwden mápdar ekenin jáne ózi hám biznes tarawındaǵı 30 jıllıq tájiriybesi haqqında sóz júrgizip, ol waqıtta Ózbekstan mámleketlik uyımlarǵa konsultant sıpatında tartılıp atırǵanınan júdá qanaatlanatuǵının atap ótti.
Sóylesiw dawamında birge islesiwdiń tiykarǵı baǵdarları sıpatında ónim hám xızmetlerdi sırt el bazarlarına eksport etiw, Xoldingtiń top-menedjeri ushın mamanlıq arttırıw baǵdarlamaların shólkemlestiriw máseleleri kórip shıǵıldı.
Ushırasıwda mırza Shuvra CHakrabortidiń usı jıl 9-19-aprel kúnleri «BMB HOLDING» kompaniyasına qaraslı kárxanalarǵa saparın shólkemlestiriw, media-marketing baǵdarında óz-ara paydalı birge islesiwdi jolǵa qoyıwǵa kelisip alındı.

ÓzA