Оиламиз ва жамиятимиз таянчи, ҳаётимизнинг гули ва мазмуни бўлган аёлларимизни эъзозлаш, уларга ҳурмат кўрсатиш халқимизнинг азалий қадриятларидан ҳисобланади.

Ўзбекистон давлат жисмоний тарбия ва спорт университети Нукус филиалида 8 март — халқаро хотин-қизлар куни муносабати билан мазкур олийгоҳда ишлайдиган хотин-қизлар иштирокида байрам тадбири бўлиб ўтди.

Тадбирда филиал директори, профессор Байрамбай Еримбетов иштирокчиларни халқаро хотин-қизлар куни байрами билан табриклаб, уларнинг жамият ҳаётида тутган ўрни ва хизматини юксак баҳолади. Шунингдек, Президентимиз томонидан мамлакатимизда хотин-қизларга, шу жумладан, олий ўқув юртида ўқиш тилагидаги қизларимизга яратилаётган кенг имкониятларга тўхталиб, бунинг учун Юртбошимизга ўз миннатдорчилигини билдирди.

Тадбирда филиалда фаолият юритаётган қатор хотин-қизларга ҳурмат кўрсатилиб, уларга байрам совғалари топширилди.

-2024 йили психология мутахассислиги бўйича олиб борган илмий ишимни мувфақиятли ҳимоя қилган эдим,-дейди психология фанлари бўйича (PhD) фалсафа доктори Улбосин Қалилаева.-Бугунги байрам тадбирида институт раҳбарияти томонидан муносиб тақдирландим ва бунинг учун ташкилотчиларга катта раҳмат айтаман.

Байрам тадбири филиал талаба-ёшлари томонидан тайерланган концерт дастури билан давом этди.

Адилбай Оразов,

Қорақалпоғистон ахборот агентлиги шарҳловчиси