Кувайтда қиличбозлик бўйича ёшлар ўртасидаги Осиё чемпионати ўз якунига етди. Мусобақанинг сўнгги кунида кечган жамоавий баҳсларда шпага ва сабля йўналишларида қизларимиз олтин медалларга сазовор бўлишди.

Шу жумладан, шпагачиларимиз Азиза Ҳамидова, Дилназ Мурзатаева, Санам Назарова ҳамда Бибимарям Сапарова мусобақа давомида Иордания, Сингапур, Хитой Таипейи ва финалда Японияни мағлубиятга учратишди.

Гулистан Пердебаева, Фернанда Эррера, Самира Шокирова ҳамда Аякўз Жумамуратовадан иборат саблячиларимиз эса Сингапур, Корея Республикаси ва Гонконг терма жамоаларин мағлуб этиб, Осиё чемпиони бўлишди.

Шу тариқа, мусобақада 5 та олтин ва 1 та бронза медалларини жамғарган ёшларимиз умумжамоа ҳисобида биринчи ўринни эгаллашди.

Қорақалпоғистон ахборот агентлиги