Kuveytte qılıshpazlıq boyınsha jaslar arasında Aziya chempionatı óz juwmaǵına jetti. Jarıstıń sońǵı kúninde bolıp ótken komandalıq bellesiwlerde shpaga hám sablya baǵdarlarında qızlarımız altın medallardı qolǵa kirgizdi.

Atap aytqanda, shpagashı qızlarımız Aziza Hamidova, Dilnaz Murzataeva, Sanam Nazarova hám Biybimáryam Saparova jarıs dawamında Iordaniya, Singapur, Qıtay Taypeyi hám finalda Yaponiyanı jeńiliske ushırattı.
Al, Gúlistan Perdebaeva, Fernanda Еrrera, Samira Shokirova hám Ayakóz Jumamuratovadan ibarat sablyashılarımız bolsa, Singapur, Koreya Respublikası hám Gonkong saylandı komandaların jeńip, Aziya chempionı ataǵına miyasar boldı.
Solay etip, Aziya birinshiliginde 5 altın hám 1 qola medalların iyelegen jaslarımız, ulıwma komandalıq esapta birinshi orındı iyelewge eristi.

Qaraqalpaqstan xabar agentligi