Мажбурий ижро бюроси Қорақалпоғистон Республикаси Амударё туман бўлими ходимлари томонидан ҳамкор ташкилотлар билан биргаликда олиб борилган тарғибот ишлари натижасида яна бир оила яраштирилди.

Фуқаролик ишлари бўйича Амударё туман судининг 2023 йил 27 октябрдаги буйруғи асосида С.С.нинг фойдасига унинг тарбиясидаги икки нафар вояга етмаган фарзандининг таъминоти учун қарздор К.Ж.нинг ҳар ойдаги жами даромадининг 1/3 қисми миқдорида алимент ундириш белгиланган эди. Ушбу суд буйруғи асосида Мажбурий ижро бюроси Амударё туман бўлими давлат ижрочиси томонидан ижро ҳаракатлари олиб борилди. Хусусан, алимент тўловчи ва олувчи яшайдиган маҳалла раиси билан биргаликда ажрашган оилани яраштириш бўйича тарғибот ишлари олиб борилган.

Натижада ундирувчи ва қарздор Бюронинг Амударё туман бўлимига келиб, ҳозирги кунда бирга яшаётганлигини билдирди ва алимент ундириш ҳақидаги суд қарори ижросини тугатишни сўраб илтимоснома берди. Ҳозирда, вояга етмаган фарзандлар тўлақонли оилавий муҳитда вояга етмоқда.

Довуд Абибуллаев,

ЎзА мухбири