Ўзбекистон Республикаси давлат божхона қўмитаси вакиллари Жаҳон божхона ташкилотининг Брюсселдаги бош қароргоҳида бўлиб ўтаётган Қўмитанинг уйғунлаштирилган тизими бўйича 64-сессиясида иштирок этмоқда.
Йиғилишда Ташқи иқтисодий фаолият товар номенклатурасига ўзгартиришлар киритиш ва бир турга нисбатан иккинчи даражали товарларни ягона тизимга киритиш масаласи кўриб чиқилмоқда. АҚШ, ХХР, Россия, Канада, Жанубий Корея, Япония ҳамда Европа Иттифоқи мамлакатлари томонидан тегишли таклифлар киритилди, эндиликда бу рўйхатга Ўзбекистон ҳам қўшилди. Товарларни тавсифлаш ва кодлаштиришнинг уйғунлаштирилган тизими тўғрисидаги халқаро конвенция 1983 йил 14 июнда Брюсселда қабул қилинган. Ўзбекистон ушбу Конвенцияга 1998 йил 29 августда қўшилган.
Мамлакатимиз божхона ходимлари мазкур тадбирда фаол иштирок этиб, йиғилиш кун тартибидаги масалалар бўйича ўз таклифларини билдирмоқда.
Азиза Алимова тайёрлади, ЎзА