Финляндия Миллий таълим агентлиги вакиллари пойтахтимиздаги 109-сонли инклюзив мактабга ташриф буюрди.
Учрашув давомида хорижлик экспертлар мактабдаги таълим жараёнлари ва ўқувчилар учун яратилган шарт-шароитлар билан яқиндан танишдилар.
Шунингдек, учрашув якунида Финляндиялик экспертлар мамлакатимизда алоҳида эътиборга муҳтож болаларга бўлган эътиборни юксак баҳоладилар. Юртимиздаги соҳа мутахассислари билан инклюзив таълим йўналишида ҳамкорликни йўлга қўйишга келишиб олинди.
Маълумот сифатида шуни айтиш жоизки, Финляндия Миллий таълим агентлиги экспертлари билан йўлга қўйилаётган лойиҳа доирасида мамлакатимиз таълим тизимини чуқур ўрганиб, лойиҳада белгиланган 4 та компонент учун модуллар ишлаб чиқиш кўзда тутилган.
Н.Усмонова, Рустам Назарматов (сурат), ЎзА