Орол, Орол, Оролжон … дардларингга шифо излаб келгандик, лекин сен биздан жуда узоқлашиб кетибсан… Сенга етиб боришнинг имони бўлмади. Бутун дунёдан келган меҳмонлар сенинг изларингни кўриб, ортга қайтдилар. Тўлқинларининг билан одамалар яшайдиган ҳудудлардан 130 километр чамаси узоқлашиб кетибсан.

Сувни кўролмай, занглаб қолган ҳолида ҳам сенга интилиб турган кемаларни кўриш билан чекландик.

Бу каби фикрлар “Орол фожиаси оқибатларини юмшатиш бўйича ҳамкорликдаги ҳаракатлар: янгича ёндашувлар, инновацион ечимлар ва инвестициялар” мавзусидаги халқаро конференция қатнашчиларининг ҳар бирини кўнглидан ўтган бўлса, ажаб эмас.

– Бундан 25 йиллар олдин келганимда, сув оз бўлсада бор эди, – дейди Германиянинг Берлин музейи илмий ходими Хейди Обрхэнсли. – Унда кам миқдорда бўлса ҳам балиқларни ҳам кўргандик. Энди эса сув узоқ уфқдан кўринмоқда халос. Унинг ўрнини шу қадар кўп туз қоплабдики, охири кўринмайди. Бир вақтлар осмон қадар кўм-кўк сув бўлган ҳудудларни қурғоқчилик забт этгани ачинарли. Оролга кўмак бериш учун, Ўзбекистонда сувдан янада оқилона фойдаланиш зарур. Бир вақтлар унга Туркманистондан сув келтириб, тўлдириш таклифи ҳақида эшитгандим. Бу натижа беришига у қадар ишонмайман. Нима қилиб бўлсада, Амударёнинг сувини Оролга кўп миқдорда қўйилишини таъминлаш керак. Энг яхши чора, ёрдамни яқиндан олиш керак.