АҚШ Президенти Жо Байден туркиялик ҳамкасби Режеп Таййип Эрдоғанга Швециянинг НАТО аъзолиги учун тегишли ҳужжатларини ратификация қилиш эвазига Халқаро валюта жамғармасидан 11-13 миллиард доллар миқдорида молиявий ёрдам ваъда қилган. Бу ҳақда америкалик публицист Сеймур Херш манбаларга таянган ҳолда ёзди.
Ижтимоий тармоқ орқали Херш “Байденга ғалаба керак, Туркия эса ўткир молиявий инқирозни бошидан кечирмоқда”, деган.
Вильнюс саммити доирасида Швеция Бош вазири Ульф Кристерссон, НАТО Бош котиби Йенс Столтенберг ва Еврокенгаш раиси Шарль Мишель билан музокара чоғида Туркия Стокгольмнинг НАТОга қўшилиши бўйича ветосини олиб ташлаган эди.
Швеция эса ўз навбатида Туркияга ЕИ билан интеграция жараёнида кўмакчи бўлиши қайд этилган.
ЎзА