![](https://cdn.uza.uz/2023/04/04/07/43/zIv4eIfTfcnL4baGSxOXcLlcqpiHk6dv_front.jpg)
Билим ва малакаларни баҳолаш агентлиги матбуот хизмати томонидан маълум қилинишича, жорий йил 2 апрель куни барча ҳудудларда кимё ва физика фанларидан миллий сертификат учун тест синовлар бўлиб ўтди.
![](https://cdn.uza.uz/2023/04/04/07/43/aS2lXbktsd6RHfAiHeXv0iXqby84CHef_front.jpg)
Имтиҳонлар ўзбек, рус ва қорақалпоқ тилларида ташкил этилиб, унда 2 минг 64 нафар талабгор иштирок этди. 10 нафар талабгор эса тартиб-қоидани бузгани учун тест синовидан четлатилди.
Тест синови натижалари йигирма иш куни ичида эълон қилинади ва энг юқори баллнинг камида 60 фоизини тўплаган талабгорларга электрон сертификат тақдим этилади.
![](https://cdn.uza.uz/2023/04/04/07/43/QmtQP3MpkDHaenouv8IYg1WYZOn14C5H_front.jpg)
Сертификатга эга абитуриентларга ОТМларга киришда мутахассислик фани бўйича 60 фоиздан 86 фоизгача — максимал баллга нисбатан табақалаштирилган (пропорционал) балл ҳамда 86 фоиз ва ундан юқори — максимал балл берилади.
ЎзА