ФОТОРЕПОРТАЖ
Нукус ёшлар технопаркида интилувчан йигит-қизларга компьютер саводхонлиги, график дизайн, робототехника, 3D моделлаштириш, акселерация каби 9 та йўналишда сабоқ берилади. Маскан замонавий техника, лаборатория ва устахона ускуналари билан таъминланган.
Айни вақтда ўқув курслари битирувчиларининг ғоялари стартап шаклига келтирилиб, “Бўлажак олим”, “Technoways”, “Start4 Region” каби танловларга 50 га яқин лойиҳа топширилган. Шунингдек, “Орол денгизининг қурғоқчил ҳудудида уруғчилик плантациясини ташкил этиш” мавзусида умумий қиймати 955 миллион сўмлик лойиҳа амалга оширилмоқда. Бу денгизнинг қуриган тубидаги ерлардан фойдаланиш, сувни тежаш ҳамда тузни камайтиришга хизмат қилади.
Аъло АБДУЛЛАЕВ (сурат), ЎзА