Ушбу тартиб Қирғизистон вазирлар маҳкамасининг янги махсус қарори чиқмагунча амалда бўлади. Мамлакатнинг молиявий-иқтисодий хавфсизлигини таъминлаш, ички валюта бозорини барқарорлаштириш ҳамда Қирғизистон Республикаси миллий манфаатларини ҳимоя қилишга қаратилган мазкур қарорни вазирлар маҳкамаси раиси Ақилбек Жапаров имзолагани айтилмоқда.
Янги қарорга кўра, резидент бўлмаган шахслар ва хорижий фуқаролар нақд кўринишда 5 минг АҚШ доллардан кўп миқдорда валюта олиб чиқиб кета олмайди.
Резидент ва Қирғизистон фуқаролари эса мамлакат ташқарисига 10 минг АҚШ долларидан кўп миқдорда хорижий валюта олиб чиқиши мумкин эмас.
Агар резидентлар ва Қирғизистон фуқаролари четга 10 минг АҚШ долларидан кўп валюта олиб кетадиган бўлса, ортиқча валюта учун 10 фоизлик тўловни амалга ошириши керак, дейилади “Кабар” агентлиги эълон қилган хабарда.