Ózbekstan Respublikası Prezidenti «Tallaw hám izertlew jumısın shólkemlestiriw boyınsha qosımsha ilajlar haqqında» qarar qabıl etti.

Oǵan muwapıq, tallaw hám izertlew strutkuralarınıń jumısın shólkemlestiriw boyınsha muwapıqlastırıwshı keńes janında ayrıqsha yuridikalıq tárep statusına iye bolmaǵan Izertlewlerdi qollap-quwatlaw qorı shólkemlestiriledi.
Qordıń qarjıları Ózbekstan Respublikası Tikleniw hám rawajlanıw qorında óz aldına ashılǵan esap betlerde toplanadı hám Muwapıqlastırıwshı keńes tárepinen belgilengen tártipte jumsaladı.
Tómendegiler Qordıń qarjıların qáliplestiriw derekleri esaplanadı:
Ózbekstan Respublikası Tikleniw hám rawajlanıw qorınıń 25 million AQSh dolları muǵdarındaǵı bir mártleik biyǵárez tólemi;
xalıqaralıq, sırt elli hám jergilikli shólkemlerdiń grantları hám qáwenderlik qarjıları;
Qordıń waqtınsha bos turǵan qarjıların kommerciyalıq banklerdiń depozitlerine jaylastırıwdan túsetuǵın dáramatlar;
nızamshılıq hújjetlerinde qadaǵan etilmegen basqa derekler.
Qor qarjıları tómendegilerge baǵdarlanadı:
Muwapıqlastırıwshı keńestiń jumıs baǵdarları boyınsha izertlewlerdi ámelge asırıw;
Tallaw materialların tayarlaw hám izertlewlerdi ótkeriw ushın grantlar ajıratıw;
ekspertlik, izertlewge baylanıslı hám basqa xızmetlerdi kórsetetuǵın jergilikli hám sırt el fizikalıq hám yuridikalıq táreplerdiń xızmet haqısı ushın tólemlerdi ámelge asırıw;
tallaw hám izertlew baǵdarında dúzilgen waqtınshalıq joybar toparlarınıń jumısın qarjılandırıw;
sociallıq sorawlar hám jámiyetshiliktiń pikirin úyreniw boyınsha izertlewlerdi ámelge asırıw;
tallawshılar hám qánigelerdi oqıtıw hám olardıń mamanlıǵın arttırıw;
basılımlar, ádebiyatlar, maǵlıwmatlar bazaları hám izertlewlerdiń nátiyjelerin tayarlaw hám satıp alıw hám olarǵa jazılıw;
ilimiy-izertlew tarawındaǵı konferenciyalar hám basqa ilajlardı shólkemlestiriw hám olardıń jumısında qatnasıw qarjıların;
Muwapıqlastırıw keńesiniń jumısın qollap-quwatlaw boyınsha basqa qárejetlerdi qaplaw.
Qor qarjıları maqsetli hám nátiyjeli jumsalıwı ústinen qadaǵalaw Muwapıqlastırıwshı keńes tárepinen ámelge asırıladı.

ÓzA