Yuannıń bekkemleniwi hám Jaqın Shıǵıstaǵı urıs sebepli valyuta bazarındaǵı turaqsızlıq artıp atırǵan bir waqıtta, Qıtay kompaniyaları valyuta qáwipin azaytıw ushın derivativ finanslıq qurallarǵa ǵalaba túrde múrájat etpekte. Bul process ayırım jaǵdaylarda rásmiyler tárepinen de xoshametlenip atır.
Sońǵı aylarda eksportyorlar dollarǵa baylanıslılıqtı azaytıw ushın túrlishe ámeliyattan belsene paydalana basladı. Yanvar ayında sırt el valyutasın satıw rekord dárejege shıǵıp, 39 milliard dollarǵa jetti. Bul ótken jılı dekabrde atap ótilgen 100 milliard dollarlıq sap satıwdan keyingi kórsetkish.
Yuan 11 ayda dollarǵa salıstırǵanda derlik 6 procentke qımbatlaǵanı ayırım eksportyorlardıń dáramatına unamsız tásir kórsetti. Sonıń ushın kóplegen kompaniyalar dollar túsimin dárhal yuanǵa almastırıp, valyuta qáwpinen qorǵalmaqta.
Qıtay valyuta qadaǵalaw basqarması hám Oraylıq banki ayırım banklerge kompaniyalar arasında belgili bir qurallardı keńirek qollanıwdı usınıs etken. Házir mámlekette valyuta qáwip-qáterin qamsızlandırıw dárejesi shama menen 30 procent hám bul kórsetkishti jáne arttırıw rejelestirilmekte.
Qánigelerdiń pikirinshe, eger kompaniyalar óz dollar rezerviniń bir bólegin mámleketke qaytarsa, Qıtay valyuta bazarında misli kórilmegen ózgeris júzege keliwi, yuan jáne de bekkemleniwi múmkin.
Musulmon Ziyo, ÓzA