Kegeyli rayonında 8-mart – Xalıqaralıq hayal-qızlar kúni múnásibeti menen saltanatlı bayram ilajı shólkemlestirildi. Ilajda rayon hákimi A.Kamalov qatnasıp, hayal-qızlardı bayram menen qızǵın qutlıqladı.
Ilaj dawamında hayal-qızlardıń jámiyetlik turmıstaǵı ornı, mámleketimizdiń rawajlanıwı hám sociallıq-ekonomikalıq rawajlanıwındaǵı xızmetleri, sonday-aq, bilimlendiriw, medicina, mádeniyat, isbilermenlik, awıl xojalıǵı hám basqa da tarawlarda jumıs alıp barıp atırǵan hayal-qızlardıń nátiyjeli miyneti atap ótildi.
Bayram ilajı sheńberinde túrli tarawlarda pidayı miynet etip kiyatırǵan bir qatar hayal-qızlarǵa minnetdarshılıq bildirilip, olarǵa estelik sawǵaları tapsırıldı.
Ilaj dawamında elimizge belgili kórkem óner sheberleri atqarıwındaǵı koncert baǵdarlaması qatnasıwshılarǵa kóterińki keypiyat inam etti.

Adilbay Orazov,
Qaraqalpaqstan xabar agentligi sholıwshısı