Qaraqalpaqstan Respublikası Ministrler Keńesiniń Baslıǵı Farxod Ermanov Qıtaydıń «Xihe Metallurgy International Limited» kompaniyasınıń bas direktorı Van Czyun menen ushırasıw ótkerdi.
Sóylesiw dawamında aymaqta sanaattı rawajlandırıw, jańa jumıs orınların jaratıw hám eksport potencialın arttırıwǵa qaratılǵan perspektivalı joybarlar, sanaat tarawında investiciyalıq birge islesiw máseleleri dodalandı.
Ushırasıwdıń tiykarǵı baǵdarları sıpatında duzdı qayta islew hám metallurgiya sanaatın rawajlandırıw máseleleri kórip shıǵıldı. Qıtaylı investorlar tárepinen zamanagóy texnologiyalardı engiziw, óndirislik quwatlıqlardı keńeytiw hám ónimlerdi tereń qayta islew arqalı joqarı qosımsha qun jaratıw boyınsha usınıslar bildirildi.
Ministrler Keńesiniń Baslıǵı óz gezeginde aymaqta investorlar ushın jaratılǵan qolaylı sharayatlar, infrastruktura imkaniyatları haqqında maǵlıwmat berdi. Sonday-aq, investiciyalıq joybarlardı jedel hám nátiyjeli ámelge asırıw boyınsha ámeliy birge islesiw mexanizmlerin jolǵa qoyıw áhmiyetli ekenligi atap ótildi.

Qaraqalpaqstan xabar agentligi