Oliy Majlis Nızamshılıq palatası janındaǵı Jaslar parlamenti hám Ekologiya hám klimat ózgeriwi milliy komiteti janındaǵı Jámiyetlik keńes arasında óz-ara birge islesiw haqqındaǵı memorandumǵa qol qoyıldı.
Bul hújjet jaslar arasında ekologiyalıq mádeniyattı arttırıw, klimat ózgeriwine qarsı gúresiw, qorshaǵan ortalıqtı qorǵaw hám turaqlı rawajlanıw baǵdarında sistemalı hám nátiyjeli birge islesiwdi jolǵa qoyıwǵa qaratılǵan.
Memorandum sheńberinde tómendegi baǵdarlarda birgeliktegi baslamalar ámelge asırıladı:
ekologiyalıq akciyalar hám ǵalabalıq ilajlar shólkemlestiriw;
tańlawlar, ekspediciyalar, seminar hám forumlar ótkeriw;
qorshaǵan ortalıqtı qorǵawǵa qaratılǵan birgeliktegi joybarlardı islep shıǵıw hám turmısqa engiziw;
jaslardıń ekologiyalıq sanasın arttırıwǵa xızmet etetuǵın úgit-násiyatlaw hám málimleme kompaniyaların ámelge asırıw.
Tárepler bul memorandum ekologiyalıq turaqlılıqtı támiyinlew, jaslardıń ekologiyalıq baslamaların qollap-quwatlaw hám mámleketlik jámiyetlik birge islesiwdi bekkemlewge xızmet etetuǵınına isenim bildirdi.
Maǵlıwmat ushın, Birge islesiw hújjeti eki institut arasında uzaq múddetli hám óz-ara paydalı baylanıslardı rawajlandırıwdı názerde tutadı.

Ziyovuddin Nuriddinov, Doniyor Yakubov, Anvarxwja Ahmedov, ÓzA