Prezident Emmanuel Makron mámlekettiń yadrolıq arsenalın kóbeytiw haqqında qarar qabıl etkenin (1992-jıldan berli birinshi márte) járiyaladı. Onıń atap ótiwinshe, bul ózgerip atırǵan qáwip-qáterler hám geosiyasiy qarsılaslardıń háreketleri sharayatında Franciya tıyıp turıw kúshiniń “kepillik berilgen wayran etiwshi qúdiretin” saqlap qalıw ushın zárúr.
Makron strategiyalıq anıqsızlıqtı támiyinlew maqsetinde, Franciya bunnan bılay jańa jawıngerlik qurallardıń anıq sanın járiyalamawın atap ótti. “Erkin bolıw ushın qorqıw oyatıwdı biliw kerek, qorqıw oyatıw ushın bolsa kúshli bolıw kerek,” – dedi ol.

Qaraqalpaqstan xabar agentligi