Tábiyǵıy gaz ushın ısıtıw máwsiminde belgilengen bazalıq norma Respublikanıń barlıq aymaqlarında 15-martqa shekem sozdırıldı.
Energetika ministrligininiń xabarına bola, bul – hawa-rayı boljawlarınıń jańalanǵan kútiliwlerine muwapıq ámelge asırılmaqta.
“Suwıq hawa massası mámleketimizdiń basqa aymaqlarına da kirip keliwi itimalı sebepli ısıtıw máwsimi ushın belgilengen 500 kub metr bazalıq norma barlıq aymaqlarda 2026-jıldıń 15-martına shekem sozdırıldı”, – delinedi rásmiy xabarda.
Qosımsha etiliwinshe, 15-marttan keyin bolsa hawa-rayı sharayatınan kelip shıǵıp, zárúr bolsa, qosımsha ilajlar kóriledi.
Esletip ótemiz, aldın bul sozıw tek ǵana Qaraqalpaqstan Respublikası hám Xorezm wálayatı ushın ámel etiwi belgilengen edi.

Qaraqalpaqstan xabar agentligi