“Ózbekstan pochtası” AJ 2026-jıl 1-marttan baslap jol háreketi qaǵıydaların buzǵanı ushın rásmiylestiriletuǵın hákimshilik protokollar, yaǵnıy járiyma xatların jetkerip beriwdi toqtattı.
Málim etiliwinshe, bul qarar Ishki isler ministrligi janındaǵı Qáwipsiz qala sistemaların rawajlandırıw mámleketlik mákemesi menen 2026-jıl ushın tiyisli shártnamaǵa qol qoyılmaǵanı menen baylanıslı.
Usı waqıtqa shekem JPX Jámiyetlik qáwipsizlik departamenti tárepinen qáliplestirilgen járiyma xatları puqaralarǵa pochta arqalı jetkerip kelinip atırǵan edi. Endi bolsa shártnama máselesi sheshilgenge shekem bul xızmet waqtınsha toqtatılǵan.
“Ózbekstan pochtası” AJ bul máselege baylanıslı jańa maǵlıwmatlardı usınıp barılatuǵının málim etti.

ÓzA