Ramazan ayında jaqsılıq islew, adamlardıń kewlin alıw, járdemge mútáj insanlardı qollap-quwatlaw, olarǵa qayırqomlıq kórsetiw hár birimizdiń insanıylıq minnetimiz bolıp tabıladı.
Ásirese, nuranıylarǵa, imkaniyatı sheklengen hám basqalardıń járdemine mútáj puqaralarǵa itibar qaratıw Ramazan ayınıń eń ullı qádiriyatlarınan biri bolıp esaplanadı.
Múbárek Ramazan ayı múnásibeti menen Qaraózek rayonındaǵı payızlı orınlardıń birinde nuranıylar, ózgelerdiń járdemine mútáj hám fizikalıq imkaniyatı sheklengen puqaralar ushın iftarlıq dasturxanı shólkemlestirildi.
Bul iftarlıq ilajı Ramazan ayı ruwxına say saqawat hám adamgershiliktiń ayqın úlgisi bolıp, onda rayon hákimi A.Baymuratov, bir qatar belsendi nuranıylar hám puqaralar, jańa aydıń baslanıwı menen qutlıqlap, shólkemlestiriwshilerge óz minnetdarshılıǵın bildirdi.

Adilbay Orazov,
Qaraqalpaqstan xabar agentligi sholıwshısı