Oraylıq banktiń baslaması menen toqımashılıq tarawında jumıs alıp barıp atırǵan tekstil kárxanalarınıń wákilleriniń qatnasıwında valyuta bazarındaǵı búgingi tendenciyalar hám almasıw kursınıń qáliplesiw mexanizmlerine baǵıshlanǵan ushırasıw shólkemlestirildi.
Sóylesiw dawamında mámleket ekonomikası ushın ayrıqsha áhmiyetke iye bolǵan bir qatar máseleler, sonıń ishinde, valyuta kursınıń dinamikası hám oǵan tásir etiwshi ishki hám sırtqı faktorlar, inflyaciyalıq targetlew rejimi sharayatında ózgeriwsheń valyuta kursınıń ornı hám áhmiyeti, ishki valyuta bazarın bunnan bılay da rawajlandırıw perspektivaları dodalandı.
Ilajda atap ótiliwinshe, inflyaciyalıq targetlew siyasatı sheńberinde ózgeriwsheń valyuta kursı sırtqı shoklarǵa beyimlesiwdi támiyinleydi, bazar mexanizmleriniń erkin islewin qollap-quwatlaydı hám makroekonomikalıq turaqlılıqtı bekkemlewge xızmet etedi.
Ushırasıw juwmaǵında qatnasıwshılar óz pikir-usınısların bildirip, mámleket hám biznes arasındaǵı konstruktivlik sóylesiwdi dawam ettiriw áhmiyetli ekeni atap ótildi.
Sh. Mamaturopova, ÓzA