Bul haqqında Ekonomika hám qarjı ministrliginiń málimleme xızmeti xabar berdi. Oǵan bola, ashıq byudjet portalında xalıq ushın jańa interaktiv xızmet – jasalma intellekt texnologiyasına tiykarlanǵan “AI járdemshi” chat-bot jumısı jolǵa qoyıldı.
Bul sanlı sheshim paydalanıwshılarǵa portalda usınıs etilip atırǵan imkaniyatlardan jáne de nátiyjeli paydalanıw hám zárúr maǵlıwmatlardı jedel alıw sharayatın jaratadı.
Jańa chat-bot járdeminde puqaralar “Baslamalı byudjet” procesine baylanıslı sorawlar, “Meniń mektebim” hám “Meniń baǵım” joybarları haqqındaǵı maǵlıwmatlar, sonday-aq, “Máhálle byudjeti” baǵdarı boyınsha qızıqtırǵan máselelerge real waqıt rejiminde juwap alıw imkaniyatına iye boladı. Sistema paydalanıwshılar múrájatların avtomat túrde tallap, tiyisli maǵlıwmatlardı qısqa waqıt ishinde usınadı.
Taraw qánigeleriniń pikirinshe, bul xızmettiń iske qosılıwı mámleketlik byudjet hám baslamalı byudjetlestiriw processleri boyınsha ashıq-aydınlıqtı támiyinlewge xızmet etedi. Bul bolsa puqaralardıń mámleketlik qarjıǵa baylanıslı málimlemelerden xabardarlıq dárejesin arttırıw menen birge, olardıń processlerde belsene qatnasıwın xoshametleydi.
N.Ziyodullaeva, ÓzA