Mámleketimizde Prezidentimizdiń baslaması menen hár hápteniń piyshembi kúni “Jaslar kúni” etip belgilendi. Bul kúnde tarawǵa juwapker basshılar máhálle, mektep hám texnikumlarǵa shıǵıp, jaslardıń múrájat hám mashqalaların tıńlap, sheshim tabıwı kerek boladı.
Qaraqalpaqstan Respublikası Ministrler Keńesiniń Baslıǵı F.Ermanov Tórtkúl rayonı jasları menen ushırasıw ótkerip, olardıń usınıs hám baslamaların tıńladı.
Ashıq sóylesiw túrinde shólkemlestirilgen ilajda jaslardı qollap-quwatlaw, olardıń bántligin támiyinlew, bilimlendiriw hám isbilermenlik jumısın rawajlandırıw máseleleri hár tárepleme dodalandı.
Ushırasıw dawamında jaslarǵa say sawda-servis joybarların ámelge asırıw, olardıń bilim alıwı, sport penen shuǵıllanıwı, kásip hám til úyreniwi, isbilermenlik penen shuǵıllanıwı hám basqa da tarawlar boyınsha búgingi kúnde mámleketimiz tárepinen jaratılıp berilip atırǵan imkaniyatlar haqqında tolıq maǵlıwmatlar berildi.
Ushırasıwda jaslar Ministrler Keńesiniń Baslıǵına ózleriniń usınıs hám baslamaların bildirip, jaslardıń ideya hám joybarların ámelge asırıw boyınsha tiyisli shólkemlerge anıq wazıypalar belgilep berildi.

Qaraqalpaqstan xabar agentligi