Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń basshılıǵında Xojeli rayonın sociallıq-ekonomikalıq jaqtan rawajlandırıw máselelerine arnalǵan májilis ótkerildi.
Ótkerilgen májiliste respublikalıq mákeme-shólkemlerdiń basshıları, rayon juwapkerleri, máhálle belsendileri qatnastı.
Kún tártibindegi máseleler sheńberinde usı jılı rayonda ámelge asırılıwı belgilengen ilajlar, rejelestirilgen qurılıs-ońlaw hám abadanlastırıw jumısları, xalıqtıń abadan turmısın támiyinlew, kámbaǵallıqtı hám jumıssızlıqtı qısqartıw, jańa jumıs orınların jaratıw, jaslarǵa, sociallıq qorǵawǵa mútáj puqaralarǵa, isbilermenlerge jaqınnan járdem beriw baǵdarındaǵı rejeler keńnen dodalandı.
Onda, sonday-aq, Kámbaǵallıqtı qısqartıw mámleketlik maqsetli qorı, Sociallıq qorǵaw milliy agentligi járdem qarjıları hám jaslar ushın berilgen jeńilliklerden nátiyjeli paydalanıp, puqaralardıń bántligin támiyinlew ilajların kóriw, máhállelerde mikro hám kishi joybarlardı ámelge asırıwda jaqınnan járdem beriw sıyaqlı áhmiyetli máseleler haqqında sóz bardı.
Májilis juwmaǵında aldaǵı rejeler belgilep alınıp, juwapkerlerge anıq tapsırmalar berildi hám wazıypalar bólistirildi.

Qaraqalpaqstan xabar agentligi