2026-jıldıń 17-fevralınan 23-martına shekemgi dáwirde respublikamızdaǵı barlıq arzanlastırılǵan azıq-awqat yarmarkalarında bahalardıń turaqlılıǵı boyınsha jámiyetlik monitoring alıp barılmaqta.
Prezidentimizdiń “Múbárek Ramazan ayın múnásip túrde ótkeriw haqqında”ǵı qararınıń orınlanıwın támiyinlew, miyrim-shápáát, awızbirshilik hám shúkirshilik ayı dawamında xalıqtıń turaqlı hám arzan bahadaǵı ónimler menen támiyinleniwin qorǵaw maqsetinde Ózbekstan tutınıwshılardıń huqıqların qorǵaw jámiyetleri federaciyası tárepinen ishki bazarda azıq-awqat ónimleri bahalarınıń turaqlılıǵın támiyinlew maqsetinde jańa buyrıq qabıl etilgen edi.
Usı buyrıq tiykarında Qaraqalpaqstan Respublikası tutınıwshılardıń huqıqların qorǵaw jámiyetleri federaciyası qalalıq hám rayonlıq jámiyetleri arzanlastırılǵan azıq-awqat yarmarkaların úyrenip, tiyisli tártipte joqarı turıwshı shólkemlerge maǵlıwmatlardı usınıp barmaqta.

Qaraqalpaqstan xabar agentligi